Humanitar Tədqiqatlar Cəmiyyəti (HTC) və Avro-Atlantik Mərkəzi (AAM) və partnyor təşkilat olan Beynəlxalq Həyəcan (BH) ilə birlikdə 19 – 23 aprel, 2010-cu il tarixində “Dağlıq Qarabağ münaqişəsinin həlli: mümkün variantların təhlili və tərəflər arasında kompromisin həddi” mövzusunda cəmiyyətin münaqişənin həlli ilə bağlı müzakirələrdə iştirakına şərait yaradan “dilemma oyunu” təşkil edəcəkdir.

Tədbirdə iştirak etmək istəyən şəxslərdən öz CV-lərini və doldurlumuş ərizə formasını konflikt.dq@gmail.com elektron poçt ünvanına göndərmələrini xahiş edirik. Ərizələrin qəbulu üçün son müraciət tarixi 03 Aprel, 2010-cu ildir. İştirakçıların müəyyən olunması üçün ilk mərhələdən uğurla keçmiş namizədlər müsahibəyə dəvət olunacaqlar.

Azərbaycanda səfərdə olan Avropa Şurasının İnsan Haqları üzrə komissarı Tomas Hammarberqin Trend News-a müsahibəsi

- Azərbaycana səfərinizin məqsədi nədir və hansı məsələlər müzakirə ediləcək?

- Bir neçə il bundan qabaq Azərbaycana səfər etmişəm və bunun nəticəsində dəyərləndirmə hesabatı hazırlanmışdı. İnternet səhifəmizdə yerləşdirilən hesabatda insan hüquqları baxımından vacib hesab etdiyimiz bütün mühüm sahələr üzrə dəyərləndirmə məlumatı öz əksini tapmışdı. Bu səfər zamanı konkret bir neçə sahə ilə bağlı hansı tərəqqinin, dəyişikliklərin baş verdiyini dəyərləndirməkdən ibarətdir.

Fevralın 25-də komitə Azərbaycanın insan haqları müvəkkili postuna namizədlər məsələsini müzakirə edərkən Rəbiyyət Aslanova dedi ki, gələn hesabatlar ümumi icmal xarakteri daşıdığı və bir dənə də konkret soyad olmadığı üçün heç kəs cəzalandırılmır. Halbuki, hüququ pozulan konkret şəxs olduğu kimi hüququ pozan konkret məmur da olmamış deyil. İnsanlar da Ombudsman Aparatından məhz bunu gözləyirlər.

Humanitar Tədqiqatlar Cəmiyyəti yanvarın 29-da Bakı şəhərində Acıq Cəmiyyət İnstitutu – Yardım Fondu (Azərbaycan) maliyyə dəstəyi ilə icra etdiyi “HTC-nin institutsional dəstəyi” layihəsi çərçivəsində növbəti tədbirini keçirdi.

Təşkilatın Bakı, Gəncə və Bərdə şəhərlərindən olan fəalları və partnyorları üçün HTC-nin insan hüquqları və münaqişələrin aradan qaldırılması sahəsində apardığı iş, həyata keçirdiyi layihələr və proqramlar barəsində məlumat verilmişdir. Azərbaycanda insan hüquqlarının müdafiəsi istiqamətində vətəndaş cəmiyyəti səviyyəsində səylərinin zəiflədiyi qeyd olunmuş və ictimai fəaliyyətlə məşğul olan insanlarda, xüsusən regionlarda hüquqların qorunmasına dəstək olan vərdişlərin azaldığı vurğulanmışdır.

Azərbaycan Avrointeqrasiya Milli İctimai Komitəsi təşkilatçılığı ilə Azərbaycan Media Mərkəzində “Vətəndaş Cəmiyyəti Forumu: Şərq Tərəfdaşlığı və İnteqrasiya imkanları” mövzusunda dəyirmi masa keçirilib. SİA-nın məlumatına görə, tədbirdə Azərbaycan Avrointeqrasiya Milli İctimai Komitəsinin həmsədri, Humanitar Tədqiqatlar Cəmiyyətinin direktoru Əvəz Həsənov Brüsseldə 16-17 noyabrda keçirilən forumun əsas məqsəd və məramları haqda məlumat verib. O bildirib ki, forumun əsas məqsədi vətəndaş cəmiyyətini təmsil edən qüvvələrin bir araya gələrək cəmiyyətin problemlərinin aradan qaldırılmasına yardım etməkdir.